بنات المغرب لملاح

جا البراح يدق بدفو مبشور مبسم و حلف ما يرتاح .
قال وا هيا بنات المغرب لملاح .
جيت اليوم نتغزل فبنات بلادي بنات الأصل كنادي.
العين واحة و رموشها بالحشمة والزين فواحة.
القد ممشوق و اللي شافك يسهر ليالي بالشوق. 
مراكش الحمرة ..زينها فالضحكة و لون السمرة.
فاس و بنات الرزانة و الأصالة و اللي خداها عمرو ميتخاص.
طنجة يا طنجة و بناتها لقلوب لمبهجة.
ويلا مشيتي مكناس ..النقرة الحرة هي الأساس.
بنات بلادي يالي يزهر بيكم الشجر فالخريف.
نحييكم بسلام شريف .
و محال تكفيني حروفي فالوصف .